相比巴塞隆拿近期积极增兵，另一支西甲劲旅皇马并冇喺冬季转会市场签入球员，因为「银河舰队」准备等夏天出手，争夺自由身球员，最新目标系拜仁慕尼黑中场哥伦天杜利素。

哥伦天杜利素将於6月30日约满，佢无意同拜仁续约，据悉皇马已经派人游说呢位27岁法国国脚夏天加盟，重演上年夏天免转会费签入拜仁後衞阿拉巴一幕。

虽然哥伦天杜利素经常受伤，但皇马管理层相信佢嘅实力，加上中场大将莫迪历已经36岁，球会都需要为佢搵接班人。

皇马以往签入嘅拜仁慕尼黑球员，都有唔错发展，包括却奥斯同阿拉巴，哥伦天杜利素一旦加盟皇马，或者能够创出事业高峰。