曼联击败热刺，个个净系讲C朗，但其实场波仲有个无名英雄，佢就系今季新加盟嘅查顿辛祖，佢今场贡献1个助攻之外，仲创造4次机会全队最多，曼联赢波佢都有好大功劳。

英国传媒分析指，「山曹」今场数据突出，全场54次触球，40次传球36次成功，创造4次机会，1次助攻，仲有4次地面对抗获胜，7次成功抢波同2次拦截。

曼联去年夏天以8500万欧元签入查顿辛祖，一度予人颇高期望，季初一度未适应曾被讥为「007」，笑佢上阵7场零贡献，但经过适应後佢嘅能力慢慢显现，近6场联赛参与5个入球，包括入2球及3助攻。

其实查顿辛祖嘅能力仲未到顶，佢喺2018至19年球季多蒙特年代，喺德甲助攻44次，当年喺5大联赛排名仅次於汤马士梅拿64次及美斯53次排第3，只要曼联好好用佢，赢波陆续有来。