曼联球星C朗因为日前患上流感，缺阵上场英超对李斯特城，结果球队打和1比1又失分。幸好呢位37岁葡萄牙国脚已经病愈，并喺周二(5日)归队参加操练，顺便领取曼联3月最佳球员奖项。

C朗被问到攞奖感受时话：「非常好，好多谢大家投票支持我，感到好高兴，动力返晒嚟，我会全力以赴，迎接今季余下赛事，希望好快可以喺奥脱福球场同大家见面。」C朗上月为红魔鬼上阵2场，并喺对热刺一役，上演帽子戏法，协助球队赢3比2，其中远射入网1球，更当选英超3月最佳入球。

曼联将於周六(9日)晚英超作客爱华顿，相信C朗可以复出搏杀。