亚冠盃分组赛现正进行中，第2轮过後，两支中超队FC广州同FC山东成绩惨不忍睹，FC广州两仗吞13蛋，FC山东两仗亦吞咗12蛋，好多跟开亚冠新闻嘅足球传媒都认为，中超球队参赛意义不大，但有位球员却引起网民关注。

该球员就系FC广州守门员何立攀，佢喺今届亚冠首仗对柔佛DT输0比5，之後对川崎前锋输0比8，据报呢场亦系中超球队亚冠盃最大败仗，旧纪录系前几日FC山东0比7输畀FC大邱，两场吞咗13蛋，而网民关注系佢嘅英文名简写，就系「HE L.P.」，真系输到嗌救命。

呢位何立攀虽然冇嗌救命，但就喺比赛中畀人影到佢拟似爆粗，对川崎前锋嘅完场前2分钟，镜头影住佢念念有词，似系自言自语讲紧嘢，内地读唇专家就话佢似乎爆粗，讲咗句「CTM」。