罗马凭谭美阿巴谦一箭定江山1比0击败李斯特城，协助球队打入欧协联决赛，打破多项纪录之余，更证明车路士要卢卡古唔要佢系错嘅，赛後有车路士球迷喺网上留言「谭仔令车路士後悔莫及」。

24岁嘅谭仔系车路士青训产品，早年不断外借磨链，2019年终回归母会，不同时期合共4季上阵82场入30球，不过今季唔系杜曹计划之内，以3400万镑卖畀罗马，点知佢过档意甲後大爆发。

今季接近尾声，谭仔为罗马上阵49场攻入25球，打破罗马球会史上94年来加盟首季最高入球纪录，亦系今季5大联赛入球最多嘅英格兰球员，而佢喺今季欧协联攻入9球，更成为英格兰史上单季欧洲赛第3高球员，仅次於舒利亚2004至05年及斯坦鲍尔斯1976至77年在欧洲足协盃各攻入11球。

车路士季初签入卢卡古，将谭仔卖畀罗马，事实证明系错嘅，嚟紧谭仔仲有欧协联决赛对飞燕诺，有机会再入波甚至捧盃。