丹尼尔今季重返巴塞隆拿之後，仍然有出色表现，根据西班牙《每日体育报》报道，呢位39岁巴西右後衞未言退，有望续约半年，效力呢支西甲劲旅至今年年底。

丹尼尔今季原本只有10万欧元底薪，但由於佢上阵次数已经达标，可以获得300万欧元奖金。

呢位球坛「长青树」将於今夏约满，佢为咗保持比赛状态，为巴西出战11月举行嘅世界盃决赛周，希望同巴塞续约半年，效力至年底，会方基本已经同意。届时约满之後，丹尼尔唔排除会再续约，或者加入巴塞隆拿教练团。