曼联换帅之後，球星C朗去留，以至角色会否改变备受关注，坦哈格大派定心丸，表明呢位37岁葡萄牙国脚属於佢计划一部份，因为C朗可以为球队带来大量入波。

坦哈格被问到见到C朗之後，会同对方讲乜时，佢幽默回应：「等我同佢倾完之後，再话你知，当然C朗喺我计划之内，因为佢可以入好多波。」C朗今季各项赛事为曼联上阵31场入24球，入球率极高。

至於同样受关注嘅队长人选问题，坦哈格暗示，唔一定继续由哈利马古尼担任：「马古尼系1位好球员，为球队作出好多贡献，好期待同佢合作，但我要强调，下季系一个唔同嘅新球季。」言下之意，队长人选可能出现变动。