曼联发布31人亚洲之旅大军名单，盛传将会归队嘅C朗由于「家庭原因」并冇份随队出征，进一步添加佢转会嘅可能性。C朗缺阵之下，红魔鬼短少1位正宗射手，新帅坦哈格难道想学曼城领队哥迪奥拿玩「无锋阵」？

近期关於C朗要求归队嘅消息此起彼落，车路士、拜仁慕尼黑等球会都同佢扯上关系，呢位37岁射手亦一直未有归队，去留成疑，加上佢今次冇参与亚洲之旅4场热身赛，意味会错过大部份季前集训，留队机会愈来愈低。

除咗C朗之外，曼联绝大部球员都有份到会今次亚洲之旅，包括早前新加盟嘅左闸杜维尔马拉西亚，以及上季半途被外借去西维尔嘅安东尼马迪尔，都现已归队。

不过，锋线名单上嘅球员，拉舒福特、查顿辛祖、安东尼马迪尔、艾兰加、加拿祖惯踢翼锋，并非正宗射手，曼联今夏签人处处受阻，未必可以买到前锋，坦哈格可能要趁今次亚洲之旅，试用「无锋阵」。

曼联将於7月12日晚喺泰国曼谷对利物浦，跟住飞去澳洲集训，期间会同墨尔本胜利、水晶宫、阿士东维拉交锋。完成亚洲之旅後，将会返欧洲同马德里体育会、华历简奴踢热身赛。

曼联亚洲之旅大军名单

门将

迪基亚、汤希顿、弥敦比索、马特高华

後衞

哈利马古尼、域陀连迪路夫、华拉尼、云比沙卡、艾历拜利、达洛治、杜维尔马拉西亚、劳基梳尔、阿历士迪尼斯、杜安薛比、拉特

中场

般奴费南迪斯、云迪碧克、费特、麦汤米尼、占士加拿、麦比利、伊巴尔、法根度柏利斯查、查理沙维治、阿密特迪亚路、锺达希

前锋

拉舒福特、查顿辛祖、安东尼马迪尔、艾兰加、加拿祖