将会出战卡塔尔国际盃嘅加纳，周四(7日)宣布取得5位星级球员「加盟」，包括兰普堤、伊拿基威廉斯在内嘅欧洲球星已拎到加纳国籍，大有机会代表呢支非洲劲旅出战年末嘅世盃决赛周。

加纳足总主席古卡拉古证实，毕尔包前锋伊拿基威廉斯、白礼顿右闸兰普堤、达斯泰达守将柏德历比菲化、汉堡中场岩布斯奥斯同高宁斯度化都拎到加纳护照，可以供领队艾度挑选。古卡拉古表明：「呢班球员令我哋有更多挑选，我一直着重唔会限制自己嘅挑选，会喺全球搜罗愿意为加纳献身嘅球员。」

伊拿基威廉斯系前西班牙U21球员、兰普堤亦踢过英格兰各级青年军，至於3位喺德甲/德乙效能嘅球员都系喺德国出世。据报加纳嘅「招兵」仲未完成，风闻阿仙奴前锋尼基迪亚同车路士翼锋赫臣奥杜尔都考虑代表加纳出赛。