史达宁今夏离开曼城转投车路士，持续佢嘅英超旅程，原来喺呢段时间，史达宁返咗乡下牙买加，日前喺社交网上载多张同牙买加总理霍尔尼斯嘅合照，显示两人坚系有交情。

呢位27岁前锋今夏转会，但佢好像唔喺英国，而系返咗牙买加，佢喺twitter上载多张同霍尔尼斯嘅合照，仲有两人坐低好似国家元首对话嘅情形，史达宁留言：「多谢总理盛情款待，非常好嘅一次对话，讨论有关草根足球同新一代人才回流。」呢个帖吸引到佢老友连格点赞。

史达宁尽管系英格兰国脚，但喺牙买加出世，父亲喺佢小时候过身，由母亲凑大，牙买加系佢祖家，佢喺英超成名，返到牙买加亦成为大角色。