欧联盟主皇家马德里周四(14日)开操，教练安察洛堤表示球会签入鲁迪格同曹亚文尼後，组军已经完成，今个暑假都唔会再买球员，而比利时球星夏萨特将会被改造为「9号」。

皇马今夏收购基利安麦巴比失败，不过安察洛堤冇打算斟介其他前锋，佢表示会尝试将夏萨特改造为「9号」：「宾施马当然系前锋首选，但佢已经34岁，而且今个球季有个世界盃决赛周喺中间，以夏萨特嘅质素，佢可以尝试出任9号位置。」

皇马今夏已签入中坚鲁迪格同中场曹亚文尼，安察洛堤证实转会行动已经完成：「佢哋2个都系好高质嘅球员，会为球队带来好好嘅竞争，我可以话系知今个夏天唔会再有人加盟，我对阵容好满意。」