阿根廷球王美斯上年夏天加盟巴黎圣日耳门(PSG)之後，虽然入波数字大不如前，但根据西班牙《马卡报》爆料，PSG仍然希望同呢位35岁前锋续约多1年，直至2024年夏天。

据悉PSG管理层认为美斯入「门」後，提升球队实力，就算佢上季法甲仅入6球，但亦贡献咗14次助攻，仅次於17次助攻嘅基利安麦巴比，可见美斯唔需要自己数胡，一样可以创造大量入波机会。

另外，美斯亦大大提升PSG嘅商业价值，佢上季为球会吸引10个新赞助商，令赞助费收入增加13%，亦带挈PSG球衣销量首次突破100万件，其中美斯件30号波衫占当中60%。

美斯无论场内或场外，都对PSG作出重大贡献，会方梗系要留住佢啦。