曼联近年表现差，唔少球星都拒绝成「魔」，但丹麦名将基斯甸艾历臣却选择加盟红魔鬼，令人啧啧称奇，呢位30岁中场表示，因为见识过曼联新帅坦哈格嘅工作表现，所以决定追随佢。

基斯甸艾历臣话：「我睇过坦哈格喺阿积士嘅工作，知道佢同教练团每日嘅投入程度及各项备战细节，佢系1位出色主帅。加上同坦哈格交谈之後，进一步了解佢嘅愿景，以及战术安排，我对未来充满憧憬，我仲有好大雄心，知道可以实现更多目标，加盟曼联系我继续旅程嘅好地方。」

艾历臣曾经效力过阿积士、热刺、国际米兰、宾福特，佢上年欧国盃决赛周比赛期间，一度因为心脏问题晕倒，幸好已经无大碍，今年1月加盟宾福特，并於2月复出。

艾历臣为宾福特上阵11次入1球，今夏约满离队，曾经传出热刺想签佢，但佢最终选择成「魔」。