巴黎圣日耳门(PSG)同基利安麦巴比续约後，曾传出有意出售巴西王牌尼马，大量球迷食花生想睇尼马咩下场，近日其巴西国家队队友卡斯米路发言力撑，表示如果PSG唔要尼马，可以加盟皇马。

当日麦巴比续约後，曾传出麦巴比唔妥尼马，要求会方踢走佢，不过尼马仲有约有身，而且能够接收尼马嘅欧洲豪门唔多，最有可能系佢重返巴塞隆拿，但都只系吹水，估唔到呢个时候，皇马中场卡斯米路有咁嘅谂法。

卡斯米路表示：「尼马有能力踢世界任何一队，如果PSG唔想要，皇马要，OK？」

其实皇马阵中拥有多位巴西国脚，虽然马些路离队，但依家仲有卡斯米路、艾达米列达奥、云尼斯奥斯祖利亚同洛迪高高斯4人，全部都系主力，撇开曾效力巴塞嘅身份，尼马踢皇马都几适合。