丹麦球星基斯甸艾历臣加盟曼联，拣咗14号球衣，有魔迷发现，呢个亦系《足球小将》角色「贵公子」三杉淳喺武藏所穿嘅号码，更认为艾历臣都系《足球小将》拥趸，所以拣呢个号码。

睇番艾历臣职业生涯经手过嘅号码，阿积士时期佢使用8号球衣，过档热刺後改用23号，效力国际米兰时期着24号，上季喺宾福特使用21号，喺丹麦国家队早期着8号，後期改着10号。

今夏加盟曼联，系艾历臣心脏病康复後所签嘅大合约，佢原属意嘅8号已被般奴费南迪斯接手，结果佢拣咗14号，亦系同样患心脏病嘅三杉淳球衣号码，漫画中三杉淳球技更胜主角戴志伟，魔迷都希望佢可以帮到曼联。