由於法兰基迪庄坚持不愿加盟，曼联近日终於放弃斟介，据报佢哋准备向拉素出价4200万镑，斟介该队塞尔维亚全能中场米连高域沙域。

曼联一直有意迪庄，巴塞亦愿意出售，无奈迪庄本人唔愿意，曼联都冇得勉强。由於球季即将开锣，曼联当务之急系物色另一位同类型球员，27岁嘅米连高域沙域系合适人选。

其实早在两年前苏斯克查执教年代，曼联已经睇中佢，不过当时仲有其他目标，所以斟介唔成事，现时曼联中场需要新血，斟介米连高域沙域再次提上日程，该球员经理人亦打算配合曼联，喺8月前向拉素提出首次报价。

英超名宿奇云金宝评论指，除曼联外，阿仙奴及纽卡素都密切留意该中场动向，佢仲话：「坦哈格认识迪庄，所以成为曼联首选，但如果签唔到迪庄，米连高域沙域系唔错嘅选择。」