法甲开锣之前，今晚率先上演法冠盃，由上季法甲冠军巴黎圣日耳门（PSG）对上届法足盃得主南特，今仗喺中立场以色列特拉维夫举行，双方都冇地利优势，踢法应该会比较谨慎，避免出错冇仇报。加上PSG出战近3届法冠盃上半场总入球全开1球或以下，可追中位数1.5球嘅半场细。（Now 639周一凌晨2时直播）

法冠盃连续两届喺以色列特拉维夫举行，巴黎圣日耳门上届0比1不敌里尔，今次重游故地，相信会打醒十二分精神，以免重蹈覆辙。呢支豪门球队早前远赴日本，期间踢咗3场热身赛，行程非常紧密，球员经历舟车劳顿，或令体力受到削弱，今仗应该会放慢比较节奏，留前斗後。

南特整体实力唔及对手，相信会采取稳阵踢法，先求站稳阵脚，避免先失波，否则一旦落後就难以收复失地。事实上，南特近3次对PSG赢咗两次，表现唔输蚀，特别系上半场球员体力充沛，能够凭拚劲同对手周旋。睇番两队近6次交锋，有5次上半场总入球开1球或以下，半场细值博。