曼联继周六(30日)晚同马体会踢热身赛之後，香港时间周日(31日)晚上11点又再出击，主场对另一支西甲球队华历简奴，但将会以另一套阵容比赛，主要派出小将，最大焦点一定系归队後首度参加热身赛嘅C朗。

37岁嘅C朗操练时，不忘同20岁嘅阿密特迪亚路，以及同样19岁嘅查理沙维治及麦比利合照，放上社交网，见佢笑得非常开心，完全唔似想离队。

球迷亦好期待呢个「跨世代」组合阵容，将会产生乜嘢化学作用，唔少人认为C朗到时可能变成「爸爸」教仔踢波。