曼联立立乱，今夏转会市场极度活跃嘅巴塞隆拿乘乱搵着数，将挖角之手伸向曼联，据报佢哋正在寻找新右闸，目标指向深受坦哈格重用嘅达洛治，巴塞打算用达斯交换。

转会专家Fabrizio Romano爆料，巴塞今季大换血，每个位置都增兵，右闸人选就睇中曼联嘅达洛治，不过佢话：「巴塞同曼联仍未就达斯与达洛治嘅互换交易开始谈判，巴塞确实好欣赏达洛治，佢哋正寻找新右闸。」

对於坦哈格嚟讲，达洛治系必然正选，佢同查顿辛祖右路配合喺季前热身赛有出色表现，不过当英超开锣，两人喺右路嘅威力消失得无影无踪。

虽然曼联未就今次交易进行讨论，但依家达洛治有机会去巴塞发展，佢本人点谂就难讲嘞，事关曼联已成烂摊子，有好路数嘅话，达洛治跳船都好正常。