早前传出曼联计划收购马体会前锋艾华路莫拉达，顶替C朗，呢位29岁西班牙国脚上仗西甲梅开二度，表现出色，教练施蒙尼随即表示要留住莫拉达，意味红魔鬼又少咗1个收购选择。

西班牙传媒指有英超球会提出以4,000万欧元收购艾华路莫拉达，但被马体会拒绝，加上佢今场西甲射入2球，令教练施蒙尼留用莫拉达嘅决心更加坚定。

施蒙尼话：「莫拉达份人好谦虚，冇乜特别要求，只为取得正选，默默努力，佢嘅态度同状态都非常好，球队上下都渴望同佢继续合作。」

艾华路莫拉达过去2季被外借去祖云达斯，但祖记拒绝以3,000万欧元买断佢，莫拉达今季返回马体会後，一度传出会再次离队。

不过，由於苏亚雷斯已经然走人，马体会锋线亦需要补充人脚，加上艾华路莫拉达近况大勇，相信施蒙尼唔会放走佢。