曼联签入卡斯米路，仲未派佢落场之前，先要照顾佢嘅人身安全，由於曼彻斯特市治安唔好，经常有打劫爆窃等罪案发生，球星人人自危，曼联为安全起见，为该巴西新援安排保安，24小时保护佢安全。

消息人士表示，曼市多球星出没，系匪徒嘅目标，曼联及曼城已试过有贼人入屋爆窃案发生，曼联受害球员不在少数，计有域陀连迪路夫、已离队嘅保罗普巴、连格、迪马利亚等。

对於卡斯米路，该消息人士称：「当卡斯米路抵达英国开始，曼联已派出保安24小时保护，直至球员搵到新居所为止。」卡斯米路未搵到新屋前，暂时住喺酒店，好多球星居所都有保安系统，相信卡斯米路搵到新居後，都会做装番个。