巴塞隆拿急需要清洗「冗员」，西班牙《每日体育报》指会方已经决定将中坚乌姆迪迪，外借去意甲新升班球队莱切，并会负担全部人工，只会根据呢位28岁法国守将上阵次数，收番些少补偿金。

乌姆迪迪自2018年以来，大部份时间受膝伤问题困扰，上季更加仅上阵1次，巴塞一直希望出售佢，但却冇买家接货。

巴塞今次不惜继续畀人工，都要将佢外借出去，虽然未能腾出薪酬空间，但如果乌姆迪迪可以喺意甲交出表现，或者有助巴塞将来出售佢。

据悉乌姆迪迪将会去意大利接受体测，如果通过，就会加盟莱切。莱切今季意甲2战2败，急需要增兵提升实力，希望乌姆迪迪可以帮到球队啦。