今季雄心勃勃嘅意甲劲旅罗马，周日(28日)宣布签入自由身前锋比洛迪，呢位意大利国脚同罗马签约1年，另有2年续约条款。呢位曾被拖连奴班主声称值「1亿欧元」嘅前锋，将会着起罗马11号波衫。

28岁嘅比洛迪效力拖连奴7年，16/17球季更单季攻入26球，亦系意大利上年赢欧国盃冠军成员之一，佢今夏约满拖连奴後，决定签约罗马，比洛迪表示：「罗马嘅进步同野心大家都睇到，呢2点系我决定加盟嘅原因，好荣幸有机会为罗马上阵。」

罗马喺摩连奴执教下，上季勇夺欧协联冠军，今夏亦签入保罗戴巴拿、韦拿杜姆、尼曼查马迪等球星，今季开咧3战有2胜1和成绩。