基利安麦巴比、艾宁夏兰特都系年少得志嘅入球机器，现今又有1位天才射手横空降世，佢就系效力巴甲球队彭美拉斯嘅16岁新星恩迪克，皇马、巴塞隆拿、车路士争住签入呢位「新大哨」。

要成为一代球星，除咗後天努力练习之外，天份亦好重要，天才球员更加系可遇不可求，恩迪克被誉为自罗马里奥、朗拿度之後，最具潜质嘅巴西射手。

佢曾经为彭美拉斯青年军上阵169场入165球，自然引来欧洲豪门注意，特别系皇马同巴塞，呢2支西甲劲旅热衷签南美兵，巴塞发挖出美斯及重金买入尼马。

至於皇马近年签入2位「00後」巴西国脚云尼斯奥斯祖利亚、洛迪高高斯亦有出色表现，食过寻味，自然想签埋恩迪克。

车路士亦加入争夺战，并已接触恩迪克同佢嘅屋企人，诚意十足。

恩迪克表示自己踢波以斗志顽强见称，喜欢满场飞，比赛每1分都会尽全力，永不放弃，向对手後衞施压，偶像系C朗，照咁讲，佢似乎比较想加盟皇马。