朴达正式成为车路士新任领队，由中型班主帅突然跳级执教巨型班，唔少曼联球迷认为情况同当年莫耶斯类似，当年「莫天才」下场仍历历在目，仲话朴达系下一个莫耶斯。

莫耶斯当年喺曼联嘅遭遇，至今仍然系球迷茶余饭後话题，网民炮制曼联近年频频换帅嘅神图「咪一X样」嘅第一幅图主角，正是莫耶斯，当年费格逊退休，莫耶斯离开爱华顿执教曼联，结果不足一季被炒，莫耶斯之後重执中型班教鞭，好快又回复水准，近年带领韦斯咸踢出好成绩，证明喺中型班教得好嘅主帅，未必适合执教巨型班。

今次朴达由白礼顿跳级「上车」，曼联球迷热烈讨论：

「朴达会系下一个莫耶斯，就如当年佢离开爱华顿执教曼联」

「莫耶斯，喺中游球队教得好，曼联第一季被炒；纽奴，喺中游球队教得好，热刺第一季被炒；朴达，喺中游球队教得好，之後点你会估到」

「朴达好唔过当年喺爱华顿嘅莫耶斯，我哋见到莫耶斯喺曼联嘅表现，车路士慢慢叹啦」