今晚西甲独脚戏上演下游大战，华拉度列主场斗卡迪斯。呢场正宗「海军斗水兵」，双方都无乜攻击力，尤其卡迪斯联赛5战全败0入球，今场相信会以死守博攞到第1分为目标，2.5球入球细系不二之选。

（Now 632周六凌晨3时直播）

经过周中欧洲赛，又回归联赛，通常周五波都安排啲戏码麻麻嘅赛事，不过欧洲赛好多时好睇，但投注难度就高啲，呢场就啱啱相反喇，好赌但唔好睇，两支唔识入波球队摆埋一齐，唔拣细仲玩咩好？

数字说明晒两队波情况，华拉度列5战1胜1和3负，入3球失10球排17位，卡迪斯5战0胜0和5负，0入球失14球排包尾。卡迪斯之前5场全部都对前列球队，如巴塞隆拿、奥沙辛拿及毕尔包等，今仗难得遇着下游嘅对手，都希望攞到联赛第1分，死守在所难免。华拉度列今仗虽然主场出击，但要留意其实球队进攻亦欠佳，开季至今仅入3球，防守亦唔算理想，冇必胜把握，今场相信入球唔会多，预咗闷战一场，买完个细上床瞓觉，瞓醒收钱好过。