利物浦今季表现下滑，右闸阿历山大阿诺特更成为众矢之的，呢位英格兰国脚嘅助攻同创造力一流，但防守就错漏百出。曾效力车路士嘅法国中坚拿保夫日前表示，阿诺特只系畀利物浦独有踢法隐藏缺点，本身佢只系一个「英冠级」嘅防守球员。

法国98年世盃冠军功臣拿保夫，近日受访评价英格兰球员，佢就对阿诺特作出攻击：「阿诺特嘅攻击力好得人锺意，但防守只系英冠级数，佢嘅踢法只系喺高普嘅体系先至生存到，当球队运动得唔畅顺，阿诺特嘅防守弱点就会暴露晒出嚟。」

只系23岁嘅阿诺特仲有进步空间，拿保夫就呼吁对方搵佢「上堂」：「我想亲自教佢一啲基本防守技巧，我会叫佢拧转头望下自己後方，佢嘅防守肯定会即刻得到提升。」