英超排榜首嘅阿仙奴拥趸遍全球，香港影星古天乐喺FB专页讲生日祝福，临尾写咗句「同埋要支持阿仙奴」，令全香港嘅「工厂仔」同「工厂妹」大受鼓舞，发现古仔原来系同路人。

古天乐小小一句支持阿仙奴，仲系回覆苏小朋友来信时嘅说话，可能冇乜咩，但有网民发现，佢另外仲有一句，就暴露古仔其实睇波年资有番咁上下，就系专页同一段嘅劈头第一句《祝我生日快乐》。

呢句《祝我生日快乐》系有典故，资深球迷一定听过，就系2004年AC米兰访港，亚视邀请当时生日嘅岩布仙尼唱生日歌，唱出「Happy Birthday To Me」，依家岩布仙尼每年生日都会攞番嚟讲，估唔到古仔生日，都借呢句嚟用喎。