拜仁慕尼黑重拾霸气，佢哋周六(22日)作客2比0击败贺芬咸，各项赛事再次录得4连胜，喀麦隆中锋祖普莫亭勇态持续，连续第3场有波入，周中欧联作客巴塞隆拿前，更向昔日正选罗拔利云度夫斯基「下战书」！

拜仁近提拔祖普莫亭做正选後，成功填补「罗拔仔」离队嘅中锋空缺，球队亦愈踢愈顺，今场17分钟就由穆斯亚拿窄角度抽入领先，38分钟祖普莫亭禁区顶分波去边线，自己再走入禁区接应基拿比传中射入，拜仁之後一直控制战局，最终赢2比0完场。

喺欧联已经出线嘅拜仁，周四(27日)凌晨会作客巴塞隆拿，将会面对倒戈嘅罗拔利云度夫斯基，不过之前做佢後备嘅祖普莫亭就信心爆棚话：「我好期待再次对罗拔仔对阵，佢系世界级前锋。我对自己嘅能力一直好有信心，近期连环入球冇乜秘密可言。」