周四(3日)凌晨欧联E组赛事，车路士主场2比1击败萨格勒布戴拿模，顺利拎到小组首名出线，不过佢哋今场亦付出沉重代价，英格兰左闸芝维尔喺最後「垃圾时间」拉伤大腿，要由2名职员扶住离场，出战世界盃决赛顿成疑问。

车路士今场7分钟先失守，但史达宁18分钟追平，瑞士中场萨卡利亚30分钟入波反超前2比1，下半场车路士都放软手脚等完场。点知去到补时阶段，今场表现出色嘅芝维尔一次冲刺後按住左脚大腿疑似拉伤，而且完全发唔到力，要由2名职员扶住返更衣室，情况令人担心。

车路士领队朴达赛後表示：「见到芝维尔咁样拉伤，绝对唔系唔乐观，佢非常失望同伤心，或者最後检查发现唔系咁严重，但依家呢刻我哋的确好失望。」