狼队周六(5日)官方宣布，西班牙籍教练卢比迪古出任狼队新任主帅，不过首场领军赛事要等到世界盃後嘅12月下旬。

狼队近年葡萄牙化，但今季成绩大倒退，跌落降班区域，现时排19位，早前会方解雇般奴拿治，现终於搵到新教头，但卢比迪古来自西班牙，未知对阵中葡萄牙兵有否影响。

卢比迪古曾执教西班牙国家队及皇马，今季亦因西维尔成绩大跌被炒，估唔到会过嚟英超搵食，同另一西甲主帅艾美利前後脚过嚟英超执教，唔同嘅系艾美利被阿士东维拉由维拉利尔挖角过档，卢比迪古系被炒後搵到新工。

由於办理工作证需时，卢比迪古团队要等埋下周联赛对阿仙奴後先会正式接手，佢会有一个月时间准备，等到世界盃结束後英超复赛先有比赛。