德国喺世界盃展开前收到噩耗，效力RB莱比锡嘅前锋迪姆华拿因为足踝韧带撕裂，今年内都唔可以上阵，将会缺席卡塔尔世界盃决赛周。

迪姆华拿周中为RB莱比锡喺欧联出战萨克达期间，足踝受伤提早退下火线，检查後证实左脚足踝韧带撕裂，2022年嘅赛事肯定会全部错过。德国国家队主帅费历克表示：「呢个消息令人伤心，迪姆华拿决心要踢世界盃，佢嘅缺阵对德国队系一大损失。」

今夏由车路士重返RB莱比锡嘅迪姆华拿，亦喺社交网发文话：「真系好难接受！我要养伤几个星期，将会错过世界盃决赛周，只能够坐喺度为德国队同RB莱比锡打气......」