患抑郁症嘅阿特兰大前锋伊利锡，今年9月解约离开意甲，转会到斯洛文尼亚球队马里博尔，短短两个月已见体型发福，睇相见佢面部、颈部同肚腩都肥咗，似乎开心咗好多。

呢位34岁斯洛文尼亚前锋为阿特兰大上阵173场，射入66球及44次助攻，不过近年已失去正选，今季仅上阵8分钟，并於9月提前解约，佢重返斯洛文尼亚比赛，上场为马里博尔上阵，并取得入球，依家肥咗咁多，希望佢继续开心。

意甲传媒曾报道，伊利锡於2018年曾患暗疾几乎挂靴，两年後传出佢婚姻出现问题，有报道指佢曾撞破妻子红杏出墙，令抑郁症发作，系意甲着名嘅悲情球员。