塞内加尔王牌球星沙迪奥文尼，日前为拜仁慕尼黑比赛嗰阵受伤，有传右脚腓骨伤患会令佢缺席今届世盃赛事，不过据塞内加尔足总官员透露，领队艾路施斯嘅大军名单肯定会有沙迪奥文尼，而塞内加尔籍嘅国际足协秘书长莎摩娜更爆料，话佢哋会出动埋巫医嚟帮手！

莎摩娜向法国媒体《Europe 1》表示：「我哋会搵巫医帮手，我唔知道咁做有冇效果，但喺呢个情况之下，我哋会用尽所有方法，希望奇迹可以出现，沙迪奥文尼一定要踢世界盃！」沙迪奥文尼嘅受伤震撼塞内加尔，连总统萨勒都喺社交网发文鼓励：「祝福沙迪奥文尼尽快康复，你有狮子嘅雄心，我会一直支持你！」