C朗接受专访震撼全球，另边厢本年度金球奖得主宾施马同样接受专访，讲到得到金球奖後，佢同好友C朗嘅关系，佢嘅答案出乎意料：「冇喎，佢(C朗)根本冇搵过我！」

宾施马喺皇马5季4夺欧联期间，系C朗公认嘅最强前锋拍挡，两人合作无间，关系亦相当融洽，但估唔到从宾施马口中，两人关系并唔系大家所谂咁好。

宾施马表示：「同C朗做队友系一种荣誉，但从佢离开皇马嘅第一日开始，我有成为最佳球员嘅野心，冇咗佢，我先有动力喺场上做更多嘢。」结果宾施马协助皇马上季成为欧联及西甲双冠王。之前有消息指，C朗就算无缘得奖，亦会出席颁奖礼为宾施马撑场，而事实系C朗并无出席。

不过宾施马都好古惑，佢爆咗C朗衰嘢之後，就叫节目主持人唔好讲出去，但结果呢段消息依然流出，畀大家睇清楚C朗点样对待宾施马。