衞冕世界盃嘅法国，喺提交26人大军名单死线前作出最後调动，原本入选嘅中坚派斯奴甘佩比，因为伤患未愈被逼退队，摩纳哥嘅阿素迪沙斯获选为替补人。法国之前只系徵召25人，领队迪甘斯亦公布埋最後一个名额，马古斯杜林赶上尾班车成为「第26人」。

效力巴黎圣日耳门嘅派斯奴甘佩比系迪甘斯爱将，养伤情况下仍照样入选，但足总声明表示派斯奴甘佩比康复进展唔理想，所以被逼换人，之前从未入选国家队嘅阿素迪沙斯就获得垂青。至於效力慕逊加柏嘅前锋马古斯杜林，凭今季17场入13球嘅出色表现，最後关头获法国徵召成为第26人。

法国同时公布球衣号码，基利安麦巴比会着10号波衫，老将基奥特继续着9号，而宾施马就着19号战衣。