巴西世盃大军集合完成，官方周五(18日)安排影大合照，期间发生一件趣事，就系曼联中场费特洛迪古斯最初坐喺最正中嘅C位，个位其实系尼马专属，结果被队友赶走。

当时费特一早到场，坐喺张櫈等候，李察利臣见到费特，就埋去拉佢离座，同佢讲咗一轮嘢之後，将佢带到旁边嘅座位，示意嗰度先系佢个位，中间个位系尼马嘅。而之後影大合照亦证实李察利臣系啱嘅，因为个位真系尼马嘅。

此外，网上亦流传巴西队操练片段，费特怀疑被队友欺凌情况，当时参与者包括拉芬夏比洛尼，李察利臣亦有份，成班围住费特不断拍打，就连老将丹尼尔都玩埋一份，佢拉起费特只脚，其他队友一齐将费特成个人抬起，成班球员玩得好开心，而被玩嘅费特都笑笑口，佢真系好玩得，系巴西嘅开心果。