英格兰前锋哈利卡尼喺对伊朗一仗被踢伤足踝，虽然佢受伤後仍然继续比赛，去到尾段先至被换出，不过据英国传媒报道，哈利卡尼周二(22日)被安排入医院进行检查，周六(26日)凌晨对美国嘅次轮分组赛上阵成疑。

哈利卡尼喺对伊朗赛後，被影到紮住右脚足踝拐住离开球场，之後一日练波亦只能够喺室内进行简单训练，消息指英格兰对哈利卡尼嘅伤势表示乐观，今次入院检查只系稳阵起见，可唔可以上阵对美国，视乎佢有冇份参加赛前练习。

如果哈利卡尼赶唔切对美国复出，预计哥林威尔逊会取代佢嘅正选位置。