世界盃小组赛首轮踢左一半，有好多门将嘅表现都好抢眼，有一个数据统计日本嘅权田修一更加位列榜首，差啲成为罪人嘅佢，20秒内连挡4球，喺日本赢波嘅功臣之一。

网站Squawka进行了一项统计，截止目前为止做出最多扑球嘅门将，日本嘅权田修一以8次扑球高居榜首，沙特嘅艾奥韦斯及突尼西亚嘅艾文达文都以5次并列第二，跟住波兰嘅施捷斯尼同埋荷兰嘅安达斯诺柏都同样有4次。

权田修一喺日本今届首战可以话经历过高低起跌，上半场踢咗半粒钟因为喺禁区扑跌对手兼输12码，佢赛後话当时嘅心理情绪控制好重要，好彩效力清水心跳时有针对做呢种练习。

而喺下半场德国都不断进攻，试过2分钟内4次射门，权田修一就喺20秒内4连扑，为日本队惊险守住，令队友士气高涨，佢赛後话:「阻止射门就喺我存在嘅意义，唔理咩情况，只要阻止皮球入门，就系我存在嘅意义，我会拼尽全力。」