世界盃去到最後一轮赛事，为咗公平起见，同组2场波会同一时间开波，今晚开始每日有2组共4场波，分别安排喺夜晚11点，同凌晨3点开波，再冇6点同9点嘅食饭波，大家要留意。

今届赛事好刺激，有啲分组踢完2轮，4队都仲有出机会，可能完成分组赛，有可能出现2队以上同分。留意一点，世界盃系先计得失球，跟住先计对赛，若得失球、总得球一样，就会计对赛成绩，如果三样都一样，就再计到对赛得失球、对赛得球。如仲未分得出胜负，就要斗公平竞技积分，即是斗少攞红、黄牌，如果咁都一样，就会以抽签决定。

世界盃分组赛同分，排名计算方法：

1. 较佳总球差

2. 较多总入球数

3. 对赛成绩

4. 较佳对赛球差

5. 较佳对赛入球数

6. 犯规点数

7. 抽签