荷兰喺世盃16强3比1击败美国晋级，右翼衞杜费斯嘅表现光芒四射，佢今场以1入波加2助攻包办荷兰3个入球，成为「橙衣军团」晋级最大功臣，赛後领队尹戈尔喺记者会忍唔住当众「咀」佢，就知道杜费斯喺尹戈尔心目中有几重要！

杜费斯喺上半场2次助攻帮荷兰领先2比0，尾段美国追番1粒再掀高潮，但杜费斯随即用入球锁定胜局。据Opta数据显示，杜费斯系荷兰史上第3个喺世盃单场制造3个入球球员，之前2个分别系1974年嘅兰辛布宁(2次)同1978年嘅荷兰球王告鲁夫，同两位名宿睇齐。

赛後记者会入面，尹戈尔对杜费斯大为赞赏：「杜费斯知道我寻日锡咗佢一啖，我今日要再锡多佢一次......大家睇到啦！」