比利时喺今届世盃分组赛止步，其中夏萨特嘅表现令人失望，明显不复当年勇。据比利时媒体报导，夏萨特正考虑退出比利时国家队，意味今届世盃好大机会系佢最後一次为「欧洲红魔」披甲。

自2008年上演地标战後，夏萨特至今已经有126顶「喼帽」，为比利时攻入33球，系「欧洲红魔」历年入球数第二多嘅球员，被视为比利时黄金一代嘅标志性人物，不过今届世盃佢就冇办法带领国家队再进一步。比利时喺世盃F组仅取得1胜1和1负成绩，无缘晋级淘汰赛。现年31岁嘅夏萨特，将好难再随国家队出战另一届大赛，亦因此令佢萌生退意。

呢位前车路士进攻核心，近年喺皇家马德里之後长期受伤患困扰，状态直线下滑，除咗考虑退出国家队之外，今季喺皇马唔受重用嘅夏萨特，都谂住另谋出路。