摩洛哥爆冷打入世界盃4强，将遇上衞冕嘅法国，呢支非洲球队如果想再创造奇迹晋级决赛，就必须尽量减低法国球星基利安麦巴比威胁，呢项艰巨任务交畀阿舒拉夫，两人系巴黎圣日耳门(PSG)队友，阿舒拉夫熟悉对方进攻招数，可能有计冻结麦巴比。

阿舒拉夫司职右後衞，遇上左翼基利安麦巴比，将正面交锋，两人先礼後兵，日前笑容满脸合照，麦巴比仲将相片放上社交网，表明好期望同阿舒拉夫碰头。

基利安麦巴比出名速度快，但阿舒拉夫都唔弱，平时比赛助攻助守，一个人踢晒整条右路，加上佢非常熟悉麦巴比踢法，势必为对方带来好大掣肘。

事实上，基利安麦巴比面对速度快嘅後衞，并占唔到优势，上仗对英格兰，被对手基尔获加冻结，全场只有1次射门，而且唔中目前，加上8次失去控球权，今仗面对比基尔获加更年轻嘅阿舒拉夫，麦巴比应该好头痛。