热刺於周三（14日）收到个坏消息，啱啱踢完世盃归队嘅前锋李察利臣，被指有伤可能要抖1个月，嚟紧圣诞快车冇佢助阵，热刺都几大镬。

据英国传媒报道，李察利臣为巴西喺世盃8强对克罗地亚嘅赛前热身已经拉伤，但佢都坚持踢咗84分钟先被换出，而佢寻日已返回热刺做扫描，比原定提前咗一周，可能佢都知道伤势唔轻，最坏嘅情况要养伤1个月。

由於热刺王牌哈利卡尼同孙兴民都喺世盃表现麻麻，卡尼更射失12码令英格兰8强出局，打击甚大，未必咁快收拾心情，如果连李察利臣都唔出得，快将迎接圣诞新年快车咁频密嘅赛程，主帅干地都咪话唔头痕。