利物浦季前以破纪录转会费签入达云纽尼斯，可惜呢位乌拉圭射手明显未适应新环境，表现受到球迷批评，近日有网民将达云纽尼斯同曼联传奇前锋高尔比较，点知就「辣着」高尔本人，呢位前英超金靴表示：「请尊重下我！」

高尔喺twitter反击拎佢同达云纽尼斯比较嘅网民：「高尔...纽尼斯...呢啲胡说八道嘅话题要开始？」高尔之後大晒自己嘅成就：「5次英超冠军、2次英足盃冠军、1次英联盃冠军、1次欧联冠军、英超金靴奖、年度最佳青年球员、187个英超入球，只有1球系12码，呢啲系我努力换取嘅成果。」

当球迷解释拎佢同达云纽尼斯比较并冇「贬意」，高尔再次发难：「请尊重下我！我已经退休，静静咁过自己生活，但其他人觉得可以唔尊重我......睇一睇我嘅数据，再拎去同其他人比较啦！」