周日(1日)晚英超头场，热刺主场迎战阿士东维拉，热刺上仗作客仅逼和宾福特2比2，为争标不容再失，前锋哈利卡尼上仗射入一球，证明已经走出英格兰喺世盃嘅阴霾，有力再数胡，中位数2.5球嘅入球大值追。（Now 621及611周日晚10时直播）

热刺防线劲脆弱

热刺身为传统劲旅，当然希望力保前4位，甚至争夺冠军，但呢支伦敦球队今季水准比较飘忽，虽然由哈利卡尼领衔嘅锋线，仍然保持威力，但防线表现令人不敢恭维，上仗对宾福特，竟然先失两球。

再睇埋世盃前对列斯联，热刺更加系三度落後之下，惊险反胜4比3，过程犹如坐过山车，今仗遇上阿士东维拉，就算羸波，恐怕亦难以保持清白之身，捧入球大比主W更稳阵。

至於阿士东维拉由艾美利领军後踢3场英超，大有进步取得2胜1负，包括主场以3比1击败曼联，作客赢白礼顿2比1，当中败仗系1比3输畀利物浦，唔可以睇小维拉嘅入球能力。

事实上，艾美利刚上任冇几耐，急需要做出成绩，预料会采用较进取踢法，即使赢唔到波，亦要入多几粒赢口碑。再睇埋两队近6次对赛亦有5次总入球达3球或以上，预料双方会放胆斗攻，入球骚可期。

直播表

周日12:00pm 澳职 纽卡素喷射机 Vs FC悉尼

周日2:00pm 澳职 西悉尼流浪者 Vs FC麦克阿瑟

周日8:00pm 英冠 布力般流浪 Vs 卡迪夫城

周日10:00pm 英超 热刺 Vs 阿士东维拉

周日10:00pm 法甲 摩纳哥 Vs 比斯特

周日11:00pm 英冠 黑池 Vs 新特兰

周一凌晨零时 法甲 里昂 Vs 克莱蒙特

周一0:30am 英超 诺定咸森林 Vs 车路士

周一3:45am 法甲 朗斯 Vs 巴黎圣日耳门