乌拉圭传奇前锋苏亚雷斯，周六(31日)正式签约巴甲球会甘美奥2年，呢位35岁球星将会着起9号波衫。苏亚雷斯签约後喺社交网留言：「甘美奥球迷准备享受美妙嘅2年，我哋会尝试争取伟大嘅成绩。」

苏亚雷斯上年11月离开乌拉圭母会国民队後，曾获美职同沙特阿拉伯球会高薪挖角，但据报佢同好友美斯倾过後，认为加盟巴甲嘅甘美奥先系最好选择。消息指苏亚雷斯喺巴甲会有6万镑周薪，虽然喺巴甲算系高薪，但待遇肯定唔及美国同沙特阿拉伯球会。