德国「凯撒大帝」碧根鲍华表示，因身体情况太差，无法出席「球王比利」丧礼。碧根鲍华近年身体情况持续转差，早前卡塔尔世盃未能到现场，佢同比利份属好友，但都无法送对方最後一程。

77岁嘅碧根鲍华表示：「我好想去比利丧礼，但好不幸，我嘅身体情况唔允许我坐长途机，只能在心里陪伴比利走完最後一程，我同比利已经好少联络，因为我哋都病咗，不过我哋嘅友谊会伴随一生，我哋都有美好回忆。」

佢仲话：「比利锺意叫我做白人兄弟，佢就系咁，好似我嘅兄弟一样，就算对住陌生人，比利都能带来温暖。」

1974年协助西德夺得世盃，1990年再以教练身份领军封王嘅碧根鲍华，2019年做咗3次心脏手术，右眼亦出现梗塞，一度有生命危险，记忆力亦受损，早前卡塔尔世盃都无法出席。