继续英超快车，热刺将会作客水晶宫踢伦敦打吡。热刺後防唔掂，近6场联赛场场失两球，当中5场开3球或以上，简直系入球大嘅保证，水晶宫快车次轮作客赢波，仲唔乘势喺主场同热刺斗攻抢分，今场入波必多，推介2.5球入球大。（Now 621及611周四凌晨4时直播）

热刺世盃後重返英超赛场，表现一贯慢热，例如前仗作客宾福特，因早段防守唔集中先失守，下半场初段再失第2球，直至比赛中後段先回魂，佢哋始终攻力够强，最後连追两球逼和2比2，上仗返主场居然输畀阿士东维拉0比2，热刺近6仗联赛全部失2球或以上。

门将洛里斯持续「派胶」

唔讲唔知，热刺今季17场联赛，竟然有成11场系先失波，作为英超Big 6呢个表现真系讲唔过去。门将洛里斯由世盃前到上场斗维拉都系持续「派胶」，基文迪朗格勒根本未够班，呢啲数据渡边年都摷到，水晶宫团队又点会唔知，佢哋肯定会针对呢点，藉主场之利对热刺狂攻。

水晶宫世盃後主场即吞富咸3蛋，更有中坚汤坚斯及左闸泰历米素尔领红被逐，表现令人失望，好彩上仗作客以2比0击败般尼茅夫，士气大盛有条件同热刺斗攻。事实上双方都有唔错攻击球员，水晶宫有韦费特沙夏同奥辛尼艾度亚迪，而热刺嘅孙兴民同哈利卡尼就唔使多介绍，两军後防都有漏洞，倒不如以攻代守，今场伦敦打吡肯定系入球骚。