阿仙奴今季喺英超表现神勇，进攻足球踢到水银泻地，不过佢哋仲想再加强力量，近日成功聘用「网红」教练伊沙加盟。被网民称为「球技大师」嘅伊沙将会出任进攻教练一职，佢哋网上嘅足球教学大受欢迎，甚至做过美斯嘅广告替身添！

英国《The Athletic》报道，阿仙奴成功聘请伊沙加入教练团，23/24球开始出任新增设嘅进攻教练一职。34岁嘅伊沙系热刺青年军出身，球员生涯只踢非联赛球队，亦代表过英格兰室内足球队，挂靴後喺昆士柏流浪同水晶宫做过青训工作。

不过伊沙真正上位，系喺网上拍片教射罚球同足球技巧，大受网民欢迎，脚法细腻嘅伊沙甚至喺唔少广告入面，做过美斯、阿古路等球星嘅替身，相信佢嘅加盟，可以令布卡约沙卡、加比尔马天尼利等年轻前锋更加锐利。